जन्मांतरीचे नाते

तुझ्या माझ्यातला एक धागा
नाही बांधला तो या युगा
किती जन्म झाले आजवर
तरी नाही तुला त्याची कदर
ओळखले मी जरी तुजला
गतजन्माची तू खूण विसरला
जन्मांमागून जन्म चालले
कर्माचे हे भोग ना सरले
तुटूनही ना जे अजूनी तुटले
जन्मांतरीचे नाते आपले
कितिदा नव्याने जन्मा यावे
कितिदा हे अंतर मिटवावे
समजून घेता खरं कारण
भेट ना आपली निष्कारण
उमजून घे हा धडा यातनांचा
यातूनच जातो मार्ग मोक्षाचा
पुर्वजन्माचे कर्ज संपता
कहानीची या होईल सांगता